No Xulgado do Contencioso-Administrativo número 2 de Lugo tramítase o recurso 199/2013-2P (procedemento abreviado) interposto por Manuel González Felpeto contra a Resolución do 4 de xullo de 2013 da directora xeral de Recursos Humanos do Servizo Galego de Saúde, pola que se desestima o recurso de alzada interposto fronte á Resolución do 27 de xuño de 2013, da Xerencia de Xestión Integrada de Lugo, Cervo e Monforte de Lemos, pola que se publican las listaxes definitivas de admitidos e excluídos e a baremación provisional no concurso de mobilidade interna voluntaria entre unidades/servizos do Complexo Hospitalario Xeral Calde-Hospital Universitario Lucus Augusti, convocado pola Resolución do 14 de setembro de 2012, da Dirección Xerencia do Complexo Hospitalario Xeral-Calde de Lugo (Hospital Universitario Lucus Augusti) publicada no Diario Oficial de Galicia núm. 182, do 24 de setembro.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 28 de outubro de 2013

Margarita Prado Vaamonde
Directora xeral de Recursos Humanos