Encarnación Mercedes Tubío Lariño, secretaria xudicial do Xulgado do Social número 3 da Coruña, fago saber:
Que no procedemento ordinario 1154/2011 deste xulgado do social, seguido por instancia de Jesús Alfonsín Puñal contra a empresa Esabe Vigilancia, S.A., Fondo de Garantía Salarial, sobre ordinario, se ditou a seguinte resolución:
«Decido:
Que estimando a demanda interposta por Jesús Alfonsín Puñal contra a empresa Esabe Vigilancia, S.A., debo declarar e declaro o dereito do demandante a percibir a cantidade de dous mil setecentos sesenta euros con oitenta e dous céntimos (2.760,82 €) e, en tal sentido, debo condenar e condeno a empresa demandada a que, estando e pasando por tal declaración, lle aboen ao demandante a referida cantidade, así como o xuro de mora do 10 %.
Notifíqueselles esta sentenza ás partes, facéndolles saber que contra esta non poden interpor ningún recurso.
Publicación. Lida e publicada foi a anterior sentenza pola maxistrada xuíza substituta que a ditou, encontrándose realizando audiencia pública no día da data, do cal dou fe».
E para que lle sirva de notificación en legal forma a Esabe Vigilancia, S.A., expido o presente para a súa inserción no Diario Oficial de Galicia.
A Coruña, 24 de outubro de 2013