Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: rúa Cidade de Viveiro, 4, 1º, 27002 Lugo.
Denominación: ampliación e reforma de CT Casás.
Situación: concello de Lugo.
Características técnicas: CT Casás en edificio non prefabricado; comprende a construción de edificio anexo, no cal se realiza un foso de recollida de aceite, tapas, canles interiores e cortalumes no foso de recollida de aceite e a obra civil necesaria para a instalación de dous transformadores. Queda anelado entre os centros de transformación CT-2 e CT-4 da urbanización Norte H. A instalación eléctrica proxéctase para a instalación de dúas máquinas de 630 kVA, dúas celas de liña e dúas de protección. Inicialmente instálase unha máquina de 630 kVA e unha de 400 kVA, relación de transformación 20.000/400-230V.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 17 de outubro de 2013
José Manuel Vázquez Leirado
Xefe territorial de Lugo
