De conformidade co establecido na disposición transitoria primeira da Lei 7/2013, do 13 de xuño, da galeguidade, e en cumprimento do establecido no artigo 8.3 do Decreto 4/1987, do 8 de xaneiro, polo que se aproba o Regulamento de organización e funcionamento do Consello de Comunidades Galegas, na redacción fixada polo Decreto 195/1991, do 30 de maio, e segundo o establecido no Decreto 261/1992, do 17 de setembro, polo que se amplía a composición da Comisión Delegada do Consello de Comunidades Galegas, logo da conformidade do presidente da Xunta de Galicia,
DISPOÑO:
Primeiro. Convocar a reunión da Comisión Delegada do Consello de Comunidades Galegas que terá lugar o vindeiro 15 de novembro, ás 10.00 horas, na cidade de Santiago de Compostela.
Segundo. A orde do día da devandita reunión será a que figura como anexo a esta resolución.
Santiago de Compostela, 30 de outubro de 2013
Antonio Rodríguez Miranda
Secretario xeral da Emigración
ANEXO
Orde do día da reunión da Comisión Delegada do Consello de Comunidades Galegas, que terá lugar o 15 de novembro de 2013, ás 10.00 horas, na cidade de Santiago de Compostela.
1. Constitución da comisión.
2. Balance das actuacións da Secretaría Xeral da Emigración no ano 2013.
3. Presentación do documento de liñas básicas do decreto sobre os órganos de representación do Consello de Comunidades Galegas.
4. Informe sobre as liñas de axudas e subvencións da Secretaría Xeral da Emigración para o ano 2014.
5. Rogos e preguntas.