A Mesa do Parlamento, na súa sesión do día 14 de outubro de 2013, acordou declarar aprobada no proceso selectivo para a cobertura dunha praza por promoción interna do corpo de letrados, convocado por Resolución da Presidencia do Parlamento do 1 de agosto de 2013, a María Aneiros González (BOPG nº 180, do 16 de outubro de 2013).
Unha vez cumprido o requirido na base novena da convocatoria dese proceso selectivo, a Presidencia, conforme o establecido na base décima da convocatoria,
RESOLVE:
Nomear letrada do corpo de letradas e letrados da Administración do Parlamento de Galicia a María Aneiros González.
Contra esta resolución, que pon fin á vía administrativa, poderase interpoñer, con carácter potestativo, recurso de reposición ante a Presidencia do Parlamento de Galicia no prazo dun mes, contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde a mesma data, ante a Sala do Contencioso-Administrativo do Tribunal Superior de Xustiza de Galicia, de acordo coa Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 18 de outubro de 2013
Pilar Rojo Noguera
Presidenta