En relación co expediente de resolución do contrato de referencia, de conformidade co establecido no artigo 207 da Lei 30/2007, do 30 de outubro, de contratos do sector público, e co artigo 109 do Real decreto 1098/2001, do 12 de outubro, polo que se aproba o Regulamento xeral da lei de contratos das administracións públicas, do 16 de xuño de 2000, e ante o resultado negativo de dous intentos de notificación no enderezo sinalado pola empresa Roymer Obra Civil, S.L. e no enderezo a que foron reexpedidas pola oficina de Correos, e para que sirva de notificación dos referidos trámites, emprázase a devandita empresa para que compareza ante Augas de Galicia, situada na rúa Doutor Maceira, nº 18, baixo, en Santiago de Compostela, en horario de oficina (de luns a venres, das 9.00 ás 14.00 horas), no prazo máximo de dez días hábiles, contados desde o día seguinte ao da publicación do presente anuncio no Diario Oficial de Galicia.

Se, transcorrido o devandito prazo, non tiver comparecido a interesada, a notificación dos actos administrativos a que se refire este anuncio entenderase producida para todos os efectos legais desde o día seguinte ao do vencemento do prazo sinalado para comparecer.

Así mesmo, remitirase este anuncio de notificación por comparecencia ao Concello de Mos e ao Concello de Redondela, para a súa colocación nos seus respectivos taboleiros de anuncios ata o día que venza o prazo para comparecer a interesada.

Santiago de Compostela, 8 de outubro de 2013

Francisco Menéndez Iglesias
Director de Augas de Galicia