Mediante a Resolución do 9 de abril de 2013, que foi publicada no Diario Oficial de Galicia núm. 73, do 16 de abril, establecéronse as bases reguladoras e convocáronse as axudas para o ano 2013 a proxectos de enerxías renovables, que contan con financiamento comunitario derivado do programa operativo Feder Galicia 2007-2013.

A dotación total da convocatoria (2.100.000,00 euros) correspóndese nun 52 % con fondos Feder (Fondo Europeo de Desenvolvemento Rexional), e no restante 48 % con Fondos de Compensación Interterritorial que cofinancian para o exercicio 2013 e libres para o mesmo exercicio. Esta contía global, segundo se recolle no artigo 3 das bases reguladoras, distribúese en grupos de actuacións desagregradas por tipoloxías de proxectos, encadradas no eixe 4, temas prioritarios 40 (Enerxías renovables: solar) e 41 (Enerxías renovables: biomasa).

Debido ao procedemento administrativo de solicitude e concesión das axudas establecido nas bases reguladoras, cando unha solicitude correcta e con reserva efectuada non pode acceder á axuda por falta de fondos na aplicación orzamentaria correspondente, pasa a formar parte das listaxes de espera en función da tipoloxía de proxecto de que se trate (artigo 11). O volume de solicitudes en tal situación determinará o crédito asignado en espera.

Como xa se indicou na anterior Resolución do 4 de xullo de 2013 desta dirección (DOG núm. 131, do 11 de xullo) pola que se fixo unha primeira redistribución dos créditos orzamentarios, nalgunhas tipoloxías de proxectos de enerxías renovables o número de solicitantes é inferior ao agardado mentres que, noutras tecnoloxías o volume de axuda solicitada superou amplamente a dispoñibilidade orzamentaria.

De acordo co disposto no artigo 31 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia (DOG núm. 20, do 29 de xaneiro) cando a contía total máxima das subvencións convocadas se distribúa entre distintos créditos orzamentarios, a alteración da dita distribución non precisará de nova convocatoria pero si das modificacións que procedan no expediente de gasto e da publicación nos mesmos medios que a convocatoria. En calquera caso, cómpre subliñar que non se trata de modificar tal contía máxima fixada na convocatoria, ao non darse ningún dos supostos previstos no artigo 30.2 do referido Decreto 11/2009.

Por todo o anterior, coa finalidade de incrementar a eficacia administrativa e a eficiencia na asignación de recursos públicos, maximizando o impulso das enerxías renovables ata o esgotamento dos fondos destinados á presente convocatoria, no uso das competencias que me confire o artigo 12.1 das bases reguladoras,

DISPOÑO:

Primeiro. Redistribuír os créditos orzamentarios recollidos en función do volume de solicitudes e do estado das listaxes de espera nas distintas tipoloxías de proxectos subvencionables, nos importes seguintes:

Tipoloxía/beneficiario	Aplicación orzamentaria	Crédito inicial (*) (€)	Crédito final (€)
Enerxía solar térmica-Familias e institucións sen ánimo de lucro	08.A2.733A.781.7	185.000,00	159.435,70
Enerxía solar térmica-Empresas privadas	08.A2.733A.771.7	115.000,00	94.850,63
Enerxía solar fotovoltaica illada e instalacións mixtas illadas-Familias e institucións sen ánimo de lucro	08.A2.733A.781.5	38.000,00	25.918,61
Enerxía solar fotovoltaica illada e instalacións mixtas illadas-Empresas privadas	08.A2.733A.771.5	20.000,00	7.560,00
Enerxía solar fotovoltaica non illada e instalacións mixtas non illadas-Familias e institucións sen ánimo de lucro	08.A2.733A.781.8	162.000,00	162.000,00
Enerxía solar fotovoltaica non illada e instalacións mixtas non illadas-Empresas privadas	08.A2.733A.771.8	180.000,00	330.446,18
Caldeiras de biomasa-Familias e institucións sen ánimo de lucro	08.A2.733A.781.1	800.000,00	738.710,84
Caldeiras de biomasa-Empresas privadas	08.A2.733A.771.6	600.000,00	581.078,04
Total		2.100.000,00	2.100.000,00

(*) Tendo en conta a redistribución de créditos orzamentarios efectuada pola Resolución do 4 de xullo de 2013.

Segundo. De acordo coa presente redistribución de créditos, as contías totais correspondentes a cada grupo de actuacións, desagregadas por tipoloxía de proxecto, tal e como figuran no artigo 3 das bases reguladoras son as seguintes:

Grupo I: Enerxía solar térmica (eixe 4, medida 40).

Beneficiarios	Orzamento (€)	Aplicación orzamentaria
Familias e institucións sen ánimo de lucro	159.435,70	08.A2.733A.781.7
Empresas privadas	94.850,63	08.A2.733A.771.7
Total	254.286,33

Grupo II: Enerxía solar fotovoltaica illada e instalacións mixtas illadas (eixe 4, medida 40).

Beneficiarios	Orzamento (€)	Aplicación orzamentaria
Familias e institucións sen ánimo de lucro	25.918,61	08.A2.733A.781.5
Empresas privadas	7.560,00	08.A2.733A.771.5
Total	33.478,61

Grupo III: Enerxía solar fotovoltaica non illada e instalacións mixtas non illadas (eixe 4, medida 40).

Beneficiarios	Orzamento (€)	Aplicación orzamentaria
Familias e institucións sen ánimo de lucro	162.000,00	08.A2.733A.781.8
Empresas privadas	330.446,18	08.A2.733A.771.8
Total	492.446,18

Grupo IV: Caldeiras de biomasa (eixe 4, medida 41).

Beneficiarios	Orzamento (€)	Aplicación orzamentaria
TOTAL Familias e institucións sen ánimo de lucro	738.710,84	08.A2.733A.781.1
Familias e institucións sen ánimo de lucro: caldeiras con alimentación automática desde almacenamento >= 250 litros (ver anexo técnico)	491.581,12
Familias e institucións sen ánimo de lucro: resto de caldeiras non incluídas na tipoloxía anterior	247.129,72
Empresas privadas	581.078,04	08.A2.733A.771.1
Total	1.319.788,88

Terceiro. A eficacia da presente resolución producirase coa súa publicación no Diario Oficial de Galicia.

Santiago de Compostela, 22 de outubro de 2013

Ángel Bernardo Tahoces
Director do Instituto Enerxético de Galicia