Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Aguas de las Cuencas de España, S.A.

Domicilio social: Agustín Betancourt, nº 25, 4ª planta, 28042 Madrid.

Denominación: CS, LMT e CT ETAP As Coíñas.

Situación: Ourense.

Características técnicas:

– CS (centro de seccionamento e medida) composto por cela modular de entrada e saída de liña de 24 kV, cela modular de protección xeral de 24 kV e cela modular de medida de enerxía de 24 kV.

– LMT subterránea de 450 m de lonxitude a 20 kV, con condutor RHZ1 2OL12/20 kV 3×(1×150 mm2), que discorre entre o CS anterior e o CT proxectado.

– CT proxectado con aparellaxe para o nivel de tensión 20 kV, cela modular de entrada e saída de liña de 24 kV, cela modular de protección de transformador. Transformador trifásico de potencia 1.000 kVA e R/T 20.000/400-230 V.

Orzamento: 63.131,17 euros.

Todas aquelas persoas ou entidades que se consideren afectadas poderán presentar as súas alegacións nesta xefatura territorial (Curros Enríquez, 1-4º) no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Ourense, 15 de outubro de 2013

P.S.L. (Decreto 110/2013, do 4 de xullo)
Alfonso Tomás Paz Doniz
Xefe do Servizo de Administración Industrial