Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 203 Mércores, 23 de outubro de 2013 Páx. 41820

V. Administración de xustiza

Xulgado do Social número 4 da Coruña

EDICTO (922/2011).

Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 922/2011, por instancia de Antonio Salgado Fernández contra a empresa Soribar, S.L., sobre cantidade, en que recaeu sentenza con data do 30 de setembro de 2013 que, copiada nos particulares necesarios, di así:

Estímase a demanda interposta por Antonio Salgado Fernández contra a entidade Soribar, S.L. con intervención do Fondo de Garantía Salarial e, en consecuencia:

Condénase a empresa Soribar, S.L. a aboar a Antonio Salgado Fernández a cantidade de catorce mil trinta e nove euros con setenta e un céntimos (14.039,71 euros).

Notifíqueselles esta resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social ou representante, dentro do indicado prazo.

Se o recorrente non goza do beneficio da xustiza gratuíta deberá, ao anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.

E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Soribar, S.L., expido e asino este edicto.

A Coruña, 3 de outubro de 2013

A secretaria xudicial