O Pleno da Corporación Municipal, en sesión ordinaria celebrada o día 26 de setembro de 2013, adoptou o seguinte acordo:

Primeiro. Abrir un novo trámite de información pública e consultas do PXOM adaptado á normativa vixente, após a súa aprobación inicial en sesión plenaria do 24 de abril de 2007 (DOG do 3 de maio) e posterior trámite de consultas e información pública acordado en sesión plenaria do 3 de xuño de 2009 (DOG do 28 de outubro), polo prazo de dous meses, mediante anuncio no taboleiro de edictos do Concello, no Diario Oficial de Galicia e nos xornais El Progreso e La Voz de Galicia, período durante o cal o expediente quedará á disposición de calquera que queira examinalo para que se presenten as alegacións que se consideren pertinentes.

Segundo. Dar audiencia aos municipios limítrofes, simultaneamente e durante o mesmo prazo de información pública, así como ás administracións públicas afectadas, do Plan xeral de ordenación municipal (PXOM) de Foz.

Foz, 2 de outubro de 2013

Javier Jorge Castiñeira
Alcalde