María Adelaida Egurbide Margañón, secretaria do social número 2 da Coruña, fago saber que por resolución ditada o día 25.9.2013, no proceso seguido por instancia de Antonio Carro Galeiras contra Talleres Mendo, S.L. e Fogasa en reclamación por cantidade, se rexistrou co nº 531/11 e acordouse notificar a Talleres Mendo, S.L., a decisión da sentenza seguinte:

«Decido:

Que considerando a demanda interposta por Antonio Carro Galeiras contra a empresa Talleres Mendo, S.L. debo condenar e condeno a esta a aboar ao demandante a cantidade reclamada, polos conceptos que se expresa no feito probado terceiro desta resolución, que ascende a tres mil trescentos catorce euros con sesenta e cinco céntimos (3.314,65 euros).

Notifíquese esta resolución ás partes ás que se fará saber que contra esta só cabe recurso de suplicación ante o Tribunal Superior de Xustiza de Galicia, debendo anuncialo ante xulgado no prazo de cinco días a contar a partir da notificación desta sentenza, e no propio termo se o recorrente non goza do beneficio de xustiza gratuíta deberá ao anunciar o recurso entregar resguardo xustificativo de ter consignado a cantidade obxecto de condena na Conta de Depósitos e Consignacións que este xulgado ten aberta en Banesto desta cidade.

Así, por esta a miña sentenza, pronúncioo, mándoo e asínoo.

Publicación. Esténdoa eu, secretaria xudicial, para facer constar que, na mesma data que a sentenza, se deposita na secretaría deste xulgado a anterior sentenza para a súa notificación e publicidade na forma permitida e ordenada pola Constitución e as leis. Seguidamente, líbrase testemuño da sentenza para a súa unión aos autos. Dou fe».

Advírtese ao destinatario que as seguintes comunicacións se farán nos estrados deste xulgado, salvo as que deban revestir forma de auto ou sentenza, ou se trate de localización.

E para que sirva de notificación a Talleres Mendo, S.L., en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.

A Coruña, 26 de setembro de 2013

A secretaria xudicial