María Jesús Hernando Arenas, secretaria xudicial do Xulgado do Social número 5 da Coruña, fago saber que no procedemento ordinario 1329/2012 deste xulgado do social, seguido por instancia de Manuel Fernández Argiz contra a empresa María del Carmen Pena Saavedra, Construcciones José María Fernández, S.A., Explotaciones y Canteras del Moucho, S.A., Hormigones del Noroeste, S.L. e o Fondo de Garantía Salarial, administrador concursal de Explotaciones y Canteras del Moucho, S.A.U., sobre reclamación de cantidade, ditouse a seguinte sentenza:

«Que debo desestimar e desestimo a demanda que en materia de cantidade foi interposta por Manuel Fernández Argiz, contra Hormigones del Noroeste, S.L., e a administración concursal de Hormigones del Noroeste, S.L., ás que debo de absolver dos pedimentos formulados na súa contra.

Que debo estimar e estimo a demanda que en materia de cantidade foi interposta por Manuel Fernández Argiz, contra Explotaciones y Canteras del Moucho, S.L., a administración concursal de Explotaciones y Canteras del Moucho, S.L., Construcciones José María Fernández, S.A. e María del Carmen Pena Saavedra e, en consecuencia, debo condenar e condeno solidariamente as anteriores, a que aboen ao demandante a cantidade de 2.647,13 euros brutos, polos salarios devindicados en outubro, parte proporcional da paga de Nadal e a compensación económica polas vacacións non gozadas do ano 2012, e a cantidade de 2.085,14 euros, polo complemento salarial devindicado entre novembro de 2011 e outubro de 2012, incrementadas no xuro do 10 % por demora e aplicable aos conceptos salariais.

Coa intervención do Fondo de Garantía Salarial.

Notifíquese a presente resolución ás partes facéndolles saber o seu dereito a interpoñer contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtase ao recorrente que non fose traballador ou beneficiario do réxime público da Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social, na conta aberta na entidade Banesto a nome deste xulgado, co número 47570000, código 36 e número de expediente, acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, a cantidade obxecto de condena, ou formalizar aval bancario pola devandita cantidade en que se faga constar a responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso no momento de anuncialo».

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

E para que sirva de notificación ás empresas Construcciones José María Fernández, S.A. e Formigóns do Noroeste, S.L., en ignorado paradoiro, estendo e asino o presente.

A Coruña, 19 de setembro de 2013

A secretaria xudicial