De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, publícase o emprazamento para o trámite de audiencia ditado no expediente de reposición da legalidade urbanística IU2/59/2013, en relación coas obras de construción dunha vivenda unifamiliar illada de planta baixa, edificación auxiliar e soleira de formigón na estrada de Antepazo á Torre, Os Abares, no termo municipal de Bueu, provincia de Pontevedra.

Ao non poderse realizar a notificación persoal a José Manuel Santos Crujeiras, mediante a presente cédula e ao abeiro do disposto no dito artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado o emprazamento para o trámite de audiencia, en que poderá examinar o expediente de reposición da legalidade urbanística e alegar e presentar, no prazo de dez días hábiles, os documentos e xustificacións que considere pertinentes.

Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro do emprazamento para o trámite de audiencia que se notifica se encontra ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, Santiago de Compostela, para a súa consulta no prazo de 10 días, que se contarán desde o día seguinte ao da publicación desta cédula. Transcorrido o dito prazo, a notificación entenderase producida.

Para que conste e lle sirva de notificación ao citado interesado, en cumprimento do disposto no artigo 59.5 da LRXPAC, expido e asino esta cédula.

Santiago de Compostela, 19 de setembro de 2013

María Martínez Allegue
Directora da Axencia de Protección da Legalidade Urbanística