Alfredo García Castro presentou ante esta alcaldía solicitude de cualificación ambiental de acordo co sinalado polo Decreto 133/2008, do 12 de xuño, polo que se regula a avaliación de incidencia ambiental (DOG nº 126, do 1 de xullo), de nave para almacén en parcela nº 17 da 2ª fase do parque empresarial de Castiñeiras.

De acordo co sinalado no artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, mediante anuncio no Diario Oficial de Galicia, Boletín Oficial da provincia e no taboleiro de anuncios do concello, co fin de que nese tempo –que empezará a contarse desde o día seguinte ao da última publicación– poidan examinar o expediente, no concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións oportunas.

Bueu, 2 de agosto de 2013

Félix Juncal Novas
Alcalde