Antonio Pérez Patiño, actuando en nome de Fresno Metal, S.L., solicitoulle a esta alcaldía licenza de actividade para un proxecto de instalación de taller de carpintaría metálica (clave MAS/2332012), localizado na parcela 12 do parque empresarial do Acevedo, en Cerceda.

De acordo co disposto no Decreto 133/2008, do 12 de xuño, de avaliación de incidencia ambiental, sométese a información pública durante un prazo de vinte (20) días, co fin de que as persoas que dalgún xeito se consideraren afectadas pola actividade poidan examinar o expediente na Área de Medio Ambiente e Sanidade deste concello; así mesmo, poderán formular por escrito as reclamacións ou observacións que consideren oportunas.

Este prazo de vinte (20) días comezará a contar a partir do día seguinte a aquel en que se publique este edicto no Boletín Oficial da provincia da Coruña e no Diario Oficial de Galicia.

Cerceda, 12 de setembro de 2013

José García Liñares
Alcalde