O Pleno, en sesión extraordinaria do 23 de setembro de 2013, aprobou inicialmente a modificación puntual nº 4 do Plan xeral de ordenación municipal de Curtis no ámbito da igrexa de Fisteus para a redelimitación da dotación do cemiterio en solo de núcleo rural, e a modificación puntual nº 5 do Plan xeral de ordenación municipal de Curtis no ámbito da estación de ferrocarril para a redelimitación de dous espazos libres en solo urbano consolidado.

De conformidade co establecido no artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, os expedientes estarán expostos ao público na Secretaría municipal durante o prazo de dous meses, contados desde o día seguinte ao da publicación deste anuncio no Diario Oficial de Galicia, co fin de que os interesados poidan presentar as alegacións e reclamacións que consideren oportunas.

Teixeiro, 23 de setembro de 2013

Javier Francisco Caínzos Vázquez
Alcalde