Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: A Batundeira, 2, 32960 Velle (Ourense).
Denominación: recuamento LMT viaduto A Vilavella.
Situación: A Mezquita.
Características técnicas:
LMT aérea de 516 m de lonxitude a 20 kV, con condutor LA 110/116 mm2 con orixe na LMT A Mezquita 1 e remate na LMT A Mezquita 1 próxima a LMT ao CT Porta Galega (32AW92).
Orzamento: 32.170,02 euros.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Ourense, 3 de setembro de 2013
Gabriel Diéguez Domínguez
Xefe territorial de Ourense