Exposición pública da solicitude de licenza de actividade suxeita a avaliación de incidencia ambiental.
José Manuel Horta Otero solicitou deste concello licenza municipal de actividade para taller para cambio de pneumáticos e lavado de coches que se situará na rúa Longán, nº 5, baixo. En cumprimento do disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, contados desde o seguinte ao da inserción deste anuncio no BOP, no Diario Oficial de Galicia e no taboleiro de anuncios do concello, co fin de que se poida examinar o expediente, no Departamento de Urbanismo deste concello, e formular por escrito as reclamacións e/ou observacións que se consideren oportunas.
Cangas, 4 de setembro de 2013
José Enrique Sotelo Villar
Alcalde