A Xunta de Goberno Local, en sesión extraordinaria que tivo lugar o día 23 de agosto de 2013, acordou aprobar inicialmente o Plan especial do Sistema xeral de infraestruturas de saneamento de abastecemento de auga e de saneamento, redactado por Monteoliva Arquitectura, S.L.P., e suspender o procedemento de outorgamento de licenzas no ámbito afectado conforme o artigo 77.2 da Lei 9/2002, do 30 de decembro, de ordenación urbanística e protección do medio rural de Galicia. A expresión gráfica queda reflectida no plano de suspensión de licenzas que se xunta.

O expediente sométese a información pública durante un mes, mediante anuncio que se publicará no Diario Oficial de Galicia e en dous dos xornais de maior circulación da provincia, coa finalidade de que o que o desexe poida examinalo e deducir, durante o citado prazo, cantas alegacións ou observacións considere oportunas. Simultaneamente notificaráselles individualmente a todos os propietarios dos terreos afectados.

Lugar de exposición do expediente: Secretaría (1º andar da casa do concello).

Horario: das 9.00 ás 14.00 horas.

A Laracha, 2 de setembro de 2013

José Manuel López Varela
Alcalde