Aprobado inicialmente o Plan xeral de ordenación municipal, por Acordo do Pleno do 4 de xuño de 2013, de conformidade cos artigos 85.2º da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de dous meses contados desde o día seguinte ao da última publicación deste anuncio no Diario Oficial de Galicia e nos xornais Faro de Vigo e La Voz de Galicia.
Durante o dito prazo poderá ser examinado por calquera interesado, nas dependencias municipais, para que se formulen as alegacións que se consideren pertinentes.
Así mesmo, acordouse suspender o otorgamento de licenzas en todo o termo municipal de Quintela de Leirado, sen prexuízo de que se poidan dar aquelas licenzas que supoñan obras de simple conservación. Non obstante, con carácter excepcional, o alcalde, en atención ás circunstancias que concorran e sempre que non se trate de ámbitos do territorio obxecto de planeamento cunhas novas determinacións que supoñan a modificación da ordenación urbanística vixente, poderá acordar a concesión daquelas licenzas cuxa compatibilidade coas determinacións Plan xeral de ordenación municipal sexa incuestionable. A duración da suspensión inicial, en calquera caso, extinguirase coa aprobación definitiva do planeamento.
Quintela de Leirado, 11 de xuño de 2013
José Antonio Pérez Cortes
Alcalde