De conformidade co acordo acadado pola Xunta de Goberno Local na súa sesión do 9 de setembro de 2013, por medio do presente anuncio efectúase convocatoria do procedemento aberto, atendendo á oferta economicamente máis vantaxosa, con varios criterios de adxudicación, para a adxudicación do contrato mixto de dotación museográfica do Museo Galego do Entroido do concello de Xinzo de Limia, conforme os seguintes datos:
1. Entidade adxudicadora:
a) Organismo: Concello de Xinzo de Limia.
b) Dependencia que tramita o expediente: Secretaría.
2. Obxecto do contrato:
a) Descrición do obxecto: dotación museográfica do Museo Galego do Entroido, sito na rúa Dous de Maio, nº 27, de Xinzo de Limia.
b) Prazo de execución: desde a sinatura do contrato administrativo ata o 30 de novembro de 2013, data límite para a xustificación da subvención concedida para esta actuación.
3. Tramitación e procedemento:
a) Tramitación: urxente.
b) Procedemento: aberto.
4. Orzamento base de licitación: 150.000,00 €, IVE incluído.
5. Financiamento: 100 % Axencia Turismo de Galicia.
6. Garantías:
a) Garantía provisional: non se exixe.
b) Garantía definitiva: 5 % do importe de adxudicación, excluído o IVE.
7. Obtención de documentación e información:
a) Entidade: Concello de Xinzo de Limia.
b) Domicilio: Curros Enríquez, nº 15.
c) Localidade e código postal: Xinzo de Limia, 32630 (Ourense).
d) Teléfono: 988 55 01 11.
e) Fax: 988 55 01 12.
f) Correo electrónico:
concello@xinzodelimia-ayto.com/secretario@xinzodelimia-ayto.com
8. Criterios de valoración das ofertas:
a) Criterios obxectivos avaliables de forma automática por aplicación de fórmulas: 55 %.
a.1. Ampliación do prazo de mantemento e actualización dos contidos multimedia: de 0 a 30 puntos.
a.2. Ampliación do prazo de garantía: de 0 a 15 puntos.
a.3. Oferta económica: de 0 a 10 puntos.
b) Criterios cuxa cuantificación depende dun xuízo de valor: 45 %. Valoración da proposta técnica con base na seguinte desagregación:
– Presentación xeral do proxecto: de 0 a 10 puntos.
– Proposta de intervención, distribución e percorrido expositivo: de 0 a 10 puntos.
– Idea e presentación de realización audiovisual: de 0 a 10 puntos.
– Melloras: de 0 a 10 puntos. Só se terán en conta as seguintes melloras; asignarase a seguinte puntuación por mellora:
• Equipamento e dotación da planta inferior para integrala no conxunto do museo: de 0 a 4 puntos.
• Deseño e realización do lanzamento e presentación pública do museo: de 0 a 2 puntos.
• Deseño e posta en funcionamento de páxina web do museo: de 0 a 2 puntos.
• Deseño e subministración de folletos informativos para a difusión e posta en marcha do museo: de 0 a 2 puntos.
– Metodoloxía, equipo de traballo, cronograma e organización dos labores que se van levar a cabo: de 0 a 5 puntos.
9. Presentación das ofertas.
a) Prazo de presentación: oito (8) días naturais desde o día seguinte ao de publicación do anuncio de licitación no BOP ou DOG (último anuncio).
b) Documentación que hai que presentar: a recollida na cláusula 8ª do prego. O modelo da proposta económica recóllese no anexo I do prego de cláusulas administrativas particulares e pódese obter no perfil do contratante da Deputación de Ourense.
c) Lugar de presentación: Rexistro Xeral do Concello de Xinzo de Limia.
10. Mesa de contratación: a súa composición fíxase na cláusula 9ª do prego.
11. Apertura das ofertas: ás 13.00 horas do día hábil seguinte (excepto sábados) a aquel en que finalice o prazo de presentación de propostas.
12. Gastos de anuncios: serán por conta do adxudicatario.
13. Perfil de contratante onde figuran as informacións relativas á convocatoria e onde se poden obter os pregos: www.depourense.es
Xinzo de Limia, 10 de setembro de 2013
Antonio Pérez Rodríguez
Alcalde
