María Espinosa Estévez presentou nestas dependencias o estudo de impacto ambiental, relativo ao proxecto de construción de dúas naves para ampliación de granxa de ceba de vacún no Canizo, no termo municipal da Gudiña.

O devandito estudo foi informado favorablemente pola Secretaría Xeral de Calidade e Avaliación Ambiental da Xunta de Galicia (expediente/clave 2012_0146), como órgano ambiental competente para avaliar o impacto ambiental dos proxectos, segundo comunicación núm. 10236/RX546542 de 6.9.2013.

Dando cumprimento ao que se dispón no artigo 9.1 do Real decreto lexislativo 1/2008, do 11 de xaneiro, polo que se aproba o texto refundido da Lei de avalación do impacto ambiental de proxectos, sométese a información pública o referido estudo de impacto ambiental, que foi redactado polo enxeñeiro técnico agrícola José Rodríguez Blanco, colexiado núm. 456, da Coita (Lugo), visado baixo o núm. 008/2013.

Os interesados poden examinar o referido documento e demais información que integra o expediente nas oficinas municipais deste concello, como órgano substantivo, por prazo de 30 días hábiles, que comezará a contar desde o seguinte ao da publicación deste edicto no Boletín Oficial da provincia e no Diario Oficial de Galicia (o último en publicarse) e formular, por escrito, as reclamacións ou observacións que consideren convenientes.

A Gudiña, 13 de setembro de 2013

Guillermo Lago Pérez
Alcalde