O Pleno Municipal, en sesión ordinaria do 5 de setembro de 2013, aprobou inicialmente o Plan especial de mellora do núcleo rural de Mamoela, neste concello, que ten como obxectivo a delimitacións das aliñacións en todo o núcleo e a redefinición e novo trazado de parte dunha vía existente, redactado con base no establecido no artigo 72.2 da LOUGA, afectando o dito plan os terreos incluídos no núcleo de Mamoela.

De conformidade co establecido no artigo 87.5 da devandita lei, e a súa remisión ao artigo 86.2, sométese a información pública por prazo de vinte días, contados desde a última publicación no Diario Oficial de Galicia. O presente anuncio publicarase tamén nun xornal dos de maior difusión na provincia.

Durante o devandito prazo poderá ser examinado por calquera interesado nas dependencias municipais, para poder formular as alegacións que se consideren pertinentes ou obter copias.

Ribadumia, 9 de setembro de 2013

Mª Salomé Peña Muñiz
Alcaldesa