Con data do 6 de xuño de 2013 subscribiuse a proposta de convenio urbanístico entre Filomena Oubiña Martínez e o Concello de Ribadumia, de cesión de terreos destinados a dotacións públicas, de acordo co establecido no artigo 173 da LOUGA, para a levar a cabo as previsións do Plan especial de mellora do núcleo rural de Mamoela que se atopa en tramitación, resultando aprobada a devandita proposta polo pleno municipal en sesión do 5 de setembro de 2013.
De conformidade co disposto no artigo 237 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública durante o prazo de vinte días, contados desde a publicación do presente anuncio no Diario Oficial de Galicia. O presente anuncio publicarase tamén nun xornal dos de maior difusión na provincia.
Durante o devandito prazo, o texto inicial do convenio urbanístico poderá ser examinado por calquera interesado nas dependencias municipais, para que se formulen as alegacións que se consideren pertinentes.
Ribadumia, 9 de setembro de 2013
Mª Salomé Peña Muñiz
Alcaldesa