Exponse ao público, polo prazo dun mes desde a publicación deste anuncio no Diario Oficial de Galicia, o proxecto de expropiación de parte da parcela núm. 2490-C (parcela catastral 3685) do plano de concentración parcelaria de Oroso-A Gándara-Deixebre-Trasmonte (referencia catastral 15061A501036850000MT), situada no lugar do Cruceiro (Oroso).
Exprópianse 41,72 m2 no lado norte da parcela, que linda coa estrada que une os núcleos rurais de Valverde (Vilarromarís) e O Cruceiro (Oroso), que o PXOM cualifica como sistema xeral viario de titularidade pública.
Faise público para que, conforme o artigo 143 da Lei 9/2002, do 30 de decembro, de ordenación urbanística e protección do medio rural de Galicia, aqueles que poidan resultar interesados formulen as alegacións e reclamacións que consideren convenientes, en particular no que atinxe á titularidade ou valoración dos seus respectivos dereitos.
Oroso, 23 de agosto de 2013
Eduardo Veiras Rey
Alcalde en funcións