A Xunta de Goberno Local, na sesión que tivo lugar o día 18 de xuño de 2013, adoptou, entre outros, o seguinte acordo:
«Primeiro. Executar a sentenza nº 199/2013 da Sala do Contencioso-Administrativo, Sección Segunda, do Tribunal Superior de Xustiza de Galicia, resolta no curso do procedemento ordinario nº 4407/2010 e, na súa consecuencia:
a) Entender aprobado inicialmente o estudo de detalle da parcela correspondente á ordenanza de transformación nº 7-F10.06 Avenida Joaquín Planells Riera III do PXOM de 1998, promovido pola entidade Promoción Agropecuaria e Industrial, S.A., segundo documentación presentada no rexistro municipal o 5 de novembro de 2008.
b) Expedir certificación acreditativa da aprobación inicial por silencio administrativo.
c) Someter a información pública o estudo de detalle polo prazo de vinte días hábiles mediante notificación aos propietarios catastrais afectados e publicacións no Diario Oficial de Galicia e nun xornal de maior circulación na provincia.
d) Ordenar a dilixencia do estudo de detalle co selo de aprobación inicial.
Segundo. Notificar este acordo á entidade Promoción Agropecuaria e Industrial, S.A. e á Sala do Contencioso-Administrativo, sección segunda, do Tribunal Superior de Xustiza de Galicia».
O estudo de detalle sométese ao trámite de información pública durante o prazo de vinte días hábiles, contados a partir do día seguinte ao da súa publicación, período durante o cal calquera interesado poderá consultalo e formular as alegacións que considere oportunas. A consulta pódese efectuar no Departamento de Planeamento da Área de Urbanismo (praza de Indalecio Prieto 1-3), en horario laborable, de luns a venres, así como na web municipal www.coruna.es, Urbanismo, exposición pública.
Os gastos desta publicación serán aboados por Promoción Agropecuaria e Industrial, S.A.
A Coruña, 18 de xullo de 2013
César de Jesús Otero Grille
Director de Urbanismo