Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:

Solicitante: Unión Fenosa Distribución, S.A.

Domicilio social: A Batundeira, 2, Velle, 32960 Ourense.

Denominación: LMT e CT rúa 6.

Situación: San Cibrao das Viñas.

Características técnicas:

LMT subterránea a 20 kV de 80 m con condutor RHZ1, con orixe na LMT SCV808 ao CS Cuevas (32XJK1) e remate na LMT SCV808 ao CS Unvi (32CY49) con entrada e saída no CT prefabricado rúa 6 de 400 kVA e R/T 20.000/400-230 V.

Orzamento: 36.045,68 euros.

Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes. Esta autorización outórgase sen prexuízo das concesións e/ou autorizacións que sexan precisas, de acordo con outras disposicións que resulten aplicables, e, en especial, as relativas á ordenación do territorio e o ambiente.

Contra a presente resolución poderase interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se considere pertinente a dereito.

Ourense, 20 de agosto de 2013

Gabriel Diéguez Domínguez
Xefe territorial de Ourense