O tenente alcalde responsable da Área de Medio Ambiente, Infraestruturas e Territorio, con data do 18 de xuño de 2013, por delegación do alcalde a través do Decreto do 13 de xuño de 2011, emite o decreto en que se aproban os seguintes puntos:
«Decreto:
1. Aprobar inicialmente a expropiación parcial do local comercial situado na rúa Doutor Fléming 15, cuxa relación de bens e dereitos afectados é:
Titulares: Eugenio Prado Fachal e Remedios Sobriño Naveiro.
Ben: local comercial de planta baixa.
Terreo rexistral: 18544 do Rexistro da Propiedade número 1 da Coruña.
Tipo de afección: parcial.
Superficie afectada: 10,35 m2.
Prezo da expropiación: 16.327,30 €.
2. En virtude do establecido no artigo 118.2 da Ordenanza de conservación e rehabilitación de inmobles do Concello da Coruña, o expediente tramitarase polo procedemento de taxación conxunta.
3. O expediente someterase á información pública polo prazo dun mes mediante inserción de anuncio no Diario Oficial de Galicia e nun xornal dos de maior circulación da provincia, e estará exposto na Oficina Municipal de Rehabilitación deste concello. Así mesmo, a taxación notificaráselles individualmente aos que aparezan como titulares de bens ou dereitos.
4. Requirirlle á comunidade de propietarios do edificio situado na rúa Doutor Fléming 15, en calidade de beneficiario do expediente expropiatorio, que, con anterioridade á aprobación definitiva do expediente, deposite o importe ou aval bancario do 20% da valoración que se aproba neste expediente, que ascende a tres mil douscentos sesenta e cinco euros con cincuenta céntimos (3.665,50 €)».
O que se publica para os efectos do inicio do trámite de información pública, de conformidade co artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:
2. O proxecto de expropiación cos documentos sinalados será exposto ao público polo prazo dun mes, para que aqueles que poidan resultar interesados formulen as observacións e reclamacións que consideren convenientes, en particular no que atinxe á titularidade ou valoración dos seus respectivos dereitos.
A Coruña, 11 de xullo de 2013
Martín Fernández Prado
Tenente alcalde responsable da Área de Medio Ambiente,
Infraestruturas e Territorio
