Eva Bernárdez Pereiras, secretaria do Xulgado de Primeira Instancia e Instrución número 1 de Ordes, dou fe e testemuño de que no xuízo de faltas que se segue ante este xulgado co número 645/2012 se ditou sentenza cuxa resolución é do teor literal seguinte:
«Que debo condenar e condeno a Jesús Rodríguez Leis, como autor dunha falta de estafa, á pena de multa de 45 días, cunha cota diaria de 5 euros e responsabilidade persoal subsidiaria dun día de privación de liberdade por cada dúas cotas impagadas e á obriga de indemnizar a estación de servizo denominada Ameixeira Sur na cantidade de 50 euros, con condena ao pagamento das custas, se as houber.
Notifíqueselles ás partes e ao Ministerio Fiscal esta sentenza, contra a cal cabe recurso de apelación que se presentará ante este xulgado no prazo dos cinco días seguintes ao da notificación para a súa resolución pola Audiencia Provincial da Coruña.
Así o acorda, manda e asina Sandra María Iglesias Barral, xuíza do Xulgado de Primeira Instancia e Instrución número 1 de Ordes. Dou fe».
E para que conste e lle sirva de notificación de sentenza a Jesús Rodríguez Leis, actualmente en paradoiro descoñecido, e para a súa publicación no Diario Oficial de Galicia, expido este edicto.
Ordes, 9 de agosto de 2013
A secretaria xudicial