Jesús Vázquez Fernández, en representación da sociedade Esconser, S.L., solicitou desta Alcaldía licenza municipal para instalación de planta para xestión e tratamento de residuos da construción, que se situará en Ermida (parcelas nº 189-199-polígono 47), deste termo municipal. En cumprimento do disposto no artigo 8.3 do Decreto 133/2008, do 12 de xuño, en que se regula a avaliación de incidencia ambiental, sométese a información pública por período de vinte días hábiles, coa finalidade de que durante este –que comezará a contarse desde o día seguinte ao da inserción do presente edicto no BOP de Ourense e no DOG– poidan examinar o expediente na Secretaría deste concello as persoas que dalgún xeito se consideren afectadas pola actividade que se pretende instalar, e formular, por escrito, as reclamacións ou observacións que se estimen oportunas.
San Cristovo de Cea, 19 de agosto de 2013
José Luis Valladares Fernández
Alcalde presidente