Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007, A Coruña.
Denominación: nova LMTS (15 kV) para alimentar a novo CS no lugar de Frais.
Situación: concello de Oza-Cesuras.
Características técnicas:
Liña eléctrica de media tensión subterránea, a 15/20 kV, cunha lonxitude de 2×0,012 qm, coa orixe en empalme que se realizará na LMTS BEG-706, entre o CT Travesa (expediente 280/2009) e o CT Frais (expediente 280/2009), en condutor RHZ1-2OL-12/20 kV-(1×240) Al, e final na mesma liña unha vez entre e saia do novo CS.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 29 de xullo de 2013
Por ausencia (Artigo 30.3 do Decreto 110/2013; DOG nº 140, do 24.7.2013)
Isidoro Martínez Arca
Xefe do Servizo de Administración Industrial
