Para os efectos previstos no artigo 5 do Decreto 62/2010, do 15 de abril, polo que se regula o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de gases licuados do petróleo (GLP), a solicitude relacionada no cadro seguinte inicia o correspondente trámite de competencia.
Datos da solicitude |
|
Empresa solicitante |
Gas Galicia SDG, S.A. |
Data da solicitude |
5 de agosto de 2013. |
Contido da solicitude |
Autorización administrativa e aprobación do proxecto de execución. |
Tipo de instalación |
Rede de distribución de gas natural. |
Denominación do proxecto |
Proxecto de autorización administrativa e execución de instalacións da rede de distribución para a subministración de gas natural con MOP = 4 bar á empresa Leche Celta, S.L.U. en Pontedeume. |
Finalidade da instalación |
Subministración de gas natural á empresa Leche Celta, S.L.U., no termo municipal de Pontedeume (A Coruña). |
Trazado da rede |
Parte dun punto de conexión coa rede en servizo MOP 4 do termo municipal de Miño (situado no extremo noroeste da rede da Urbanización Costa-Miño Golf), diríxese cara ao leste e cruza a autoestrada AP-9F ata a vía de servizo e continúa por esta vía en dirección sur ata chegar ao límite da empresa Leche Celta, S.L.U. |
Ábrese un prazo de 30 días, contados desde o día seguinte ao da publicación desta resolución no Diario Oficial de Galicia, para que:
Outras empresas distribuidoras de gas natural poidan presentar solicitudes en concorrencia con esta solicitude de Gas Galicia SDG, S.A.
A empresa Gas Galicia SDG, S.A. poida completar, se o considera oportuno, a súa solicitude.
O trámite de competencia resolverase a favor da empresa cuxo proxecto obteña a maior puntuación, tras a súa valoración de acordo cos criterios establecidos no artigo 7 do Decreto 62/2010, do 15 de abril.
Santiago de Compostela, 7 de agosto de 2013
Ángel Bernardo Tahoces
Director xeral de Enerxía e Minas