O xerente da Xerencia de Xestión Integrada da Coruña, en virtude das competencias atribuídas polo Decreto 43/2013, do 21 de febreiro, polo que se establece a estrutura
orgánica do Servizo Galego de Saúde e a Orde do 5 de xullo de 2012 (DOG nº 136, do 20 de xullo), sobre delegación de competencias en órganos centrais e periféricos do Servizo Galego de Saúde, intentou notificar a Ana Mª Álvarez de Cal, titular do DNI nº 34895538J
a resolución relativa á devolución de ingresos indebidos.
Ante a imposibilidade da súa notificación persoal á interesada, de conformidade co disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, por medio da presente cédula comunicáselle a Ana Mª Álvarez de Cal, a Resolución da Xerencia do 2 de xullo de 2013 relativa á rectificación de erro material de feito ou aritmético da Administración en materia de ingresos indebidos. A citada resolución atópase á súa disposición nas dependencias da Xerencia de Xestión Integrada da Coruña (Edificio Administrativo do Hospital Abente y Lago sito no paseo General Sir John Moore,
nº 2, 15001 A Coruña) e poderá acceder a ela en horario de 8.00 a 15.00 horas, nun prazo de 15 días a partir da publicación no DOG desta cédula.
Contra a presente resolución que non pon fin á vía administrativa poderá interpor recurso de alzada perante a Dirección de Recursos Humanos do Servizo Galego de Saúde no prazo dun mes, a partir do día seguinte ao da súa notificación neste diario oficial, de acordo co previsto no artigo 114 e seguintes da Lei 30/1992, de réxime xurídico das administracións públicas e do procedemento administrativo común.
A presente cédula expídese para que conste e lle sirva de notificación á interesada, en cumprimento do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común. Advírtese que no caso de non comparecencia no prazo sinalado darase a resolución por notificada.
A Coruña, 22 de xullo de 2013
Francisco José Vilanova Fraga
Xerente de Xestión Integrada da Coruña