Encarnación Mercedes Tubío Lariño, secretaria do Xulgado do Social número 4 da Coruña, dá fe e certifica que neste xulgado se seguen autos número 186/2011 por instancia da Inspección de Traballo e Seguridade Social contra a empresa Pimiamite, S.L., Silvana Novais de Jesús, Mihai e Cleidilene Sardinha Lisboa e María José Villasuso Villaverde, Andrea Alves Sousa Oliveira e Kates Ashla sobre procedemento de oficio, nos cales recaeu sentenza o 8.11.2013 que copiada nos particulares necesarios di así:
«Decido estímase a demanda de oficio formulada pola Inspección de Traballo e Seguridade Social fronte á empresa Pimiamite, S.L. e, en consecuencia:
– Declárase que a relación existente entre Pimiamite, S.L. e Silvana Novais de Jesús, Mioara Mihai, Cleidilene Sardinha Lisboa, María José Villasuso Villaverde, Andrea Alves Sousa Oliveira e Kates Ashla ten carácter laboral.
Notifíqueselles a presente resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado ou graduado social colexiado ou representante dentro do indicado prazo.
Se o recurrente non goza do beneficio de xustiza gratuíta deberá, no momento de anunciar o recurso, ter consignado a cantidade obxecto de condena, así como o deposito de 300 euros na conta de depósitos e consignacións que ten aberta este xulgado e fará constar no ingreso o numero de procedemento.
Así o acorda, manda e asina, Nicolás E. Pita Lloveres, maxistrado xuíz do Xulgado do Social número 4 da Coruña».
Para que conste, para efectos da súa publicación no Diario Oficial de Galicia co fin de que sirva de notificación en forma a Mioara Mihai y Kates Ashila expido e asino o presente edicto.
A Coruña, 23 de xullo de 2013
O secretario xudicial