O 10 de xuño de 2013 a Secretaría Xeral Técnica da Consellería de Presidencia, Administracións Públicas e Xustiza, ditou por delegación do vicepresidente e conselleiro de Presidencia, Administracións Públicas e Xustiza (Orde do 14 de maio de 2013, DOG nº 92, do 15 de maio) a seguinte resolución que se transcribe literalmente:
«O 23 de maio de 2013, a dirección da Área de Infraestruturas e Comunicacións da Amtega, remite escrito relativo á Resolución do 21 de novembro de 2012, da Secretaría de Estado de Telecomunicacións e para a Sociedade da Información, pola que se atribúe o número 012 ao servizo de información das administracións autonómicas, para efectos de que se comunique a opción da Comunidade Autónoma galega respecto ás propostas de tarifas para os usuarios do teléfono 012.
Unha vez valoradas as catro opcións, esta dirección xeral propón a opción correspondente á modalidade «C» por considerala a máis adecuada ás peculiaridades dos actuais servizos integrados no 012 segundo se detalla a continuación:
c) Modalidade C: prezo fixo por chamada segundo se indica na táboa seguinte:
Prezo aplicable ao usuario chamante (modalidade C).
Número |
Desde rede fixa |
Desde rede móbil |
012 |
Prezo de chamada ordinaria fixo-fixo no territorio nacional dunha duración de 160 segundos. |
Prezo de chamada ordinaria móbil-fixo no territorio nacional dunha duración de 160 segundos. |
Cómpre sinalar que a dita opción afectaría todos os servizos actualmente integrados no 012 a excepción dos gratuítos (que manteñen a súa numeración propia), cuxo custo continuaría sendo asumido pola Administración autonómica, como ata agora.
Santiago de Compostela, 10 de xuño de 2013
Natalia Prieto Viso
Directora xeral de Avaliación e Reforma Administrativa
Resolución: vista a proposta precedente, presentada pola Dirección Xeral de Avaliación e Reforma Administrativa, préstolles a miña aprobación nos seus propios termos.
Santiago de Compostela, 10 de xuño de 2013
P.D. (Orde do 14.5.2013)
Beatriz Cuíña Barja
Secretaria xeral técnica da Consellería de Presidencia, Administracións
Públicas e Xustiza»
Santiago de Compostela, 30 de xullo de 2013
Natalia Prieto Viso
Directora xeral de Avaliación e Reforma Administrativa