Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade de Viveiro, 4, 1º, 27002 Lugo.
Denominación: LMTS, CTC e RBTS para subministración eléctrica na rúa do Mercado, 1-3.
Situación: concello de Guitiriz.
Características técnicas:
– CT en edificio non prefabricado, cunha potencia proxectada de 1.260 kVA e unha potencia inicial de 630 kVA, relación de transformación 20.000/400-230V, no cal se instalan tres celas de liña, dúas de protección e unha de interruptor pasante.
– Desprazamento dun tramo de LMTS con orixe no CT proxectado e final no CTC (02631) Edificio Eladio, cunha lonxitude de 32 metros.
– LMTS a 20 kV, con orixe no CT proxectado e final no CTC 05166 Campo da Feira, cunha lonxitude de 79 metros en condutor tipo RHZ-240.
– RBTS a tensión trifásica de 400 V e monofásica de 230 V, con orixe nos cadros de baixa tensión do CT proxectado e final nas CXP do edificio que se vai electrificar.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 10 de xullo de 2013
José Manuel Vázquez Leirado
Xefe territorial de Lugo
