Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Cespa, S.A.
Domicilio social: avda. Catedral, 6-8, 08002 Barcelona.
Denominación: LMT, CS e CT de 1.000 kVA para planta de xestión residuos sólidos.
Situación: pol. in. do Acevedo, s/n, Cerceda.
Características técnicas: liña de media tensión soterrada con inicio en centro de seccionamento propiedade da compañía distribuidora Udesa, situado nunha nave lindeira, condutor RHZ1-2OL 12/20 kV 3×(1×20 mm2), Al, lonxitude 40 m, con final en centro de seccionamento proxectado con cela de entrada, de saída e de seccionamento (24 kV, 630 A, 16 KA). Centro de transformación anexo ao CS, con celas de liña, de protección e de medida (24 kV, 400 A, 16 KA) e transformador 20/0,42 kV, illamento seco clase F, refrixeración natural, 1.000 kVA.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta publicación; tamén poderá interpoñer calquera outro recurso que estime pertinente ao seu dereito.
A Coruña, 17 de xullo de 2013
Susana Vázquez Romero
Xefa territorial da Coruña