De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que a seguir se relaciona o acordo de iniciación do procedemento sancionador en materia de turismo, por infraccións administrativas da Lei 7/2011, do 27 de outubro, do turismo de Galicia, expediente número LU-08/2013, incoado ao titular do establecemento de café bar denominado El Abuelo, situado na avenida de Pastoriza, nº 14, Muimenta, do concello de Cospeito (Lugo), xa que, intentada a notificación polos medios habituais, non se puido practicar.

Noméase instrutor do procedemento a Francisco López Castro e secretaria a Mercedes Campos Casares, funcionarios da Área Provincial de Turismo de Lugo, e o seu réxime de recusación é o previsto nos artigos 28 e 29 da Lei 30/1992.

Segundo o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince días, contados a partir do seguinte ao da publicación desta notificación, para achegar por escrito cantas alegacións, documentos, ou informacións considere convenientes e, se é o caso, propoñer proba concretando os medios de que pretenda valerse.

Conforme o establecido no artigo 13.2º do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución. Para estes efectos determinarase o importe da sanción.

O pagamento voluntario poderá poñer fin ao expediente. Para efectualo deberá empregar o impreso normalizado que lle será facilitado na Área Provincial de Turismo, sita no Edificio Administrativo da Xunta de Galicia na rolda da Muralla de Lugo.

O órgano competente para a resolución do procedemento é a xefa da Área Provincial de Turismo en Lugo, segundo o disposto no artigo 119.1.a) da Lei 7/2011, e no Decreto 196/2012, do 27 de setembro, polo que se crea a Axencia Turismo Galicia e se aproban os seus estatutos.

O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Expediente: LU-08/2013.

Denunciado: Fernando Saavedra Portela.

Establecemento: café bar El Abuelo.

Enderezo: avenida de Pastoriza, nº 14. Localidade: Muimenta (Cospeito).

Feitos denunciados: non dispoñer dos documentos exixidos pola normativa turística e incumprir o deber de exhibir os distintivos, carteis e lista de prezos.

Preceptos infrinxidos: artigos 35.i) e 35.f) da Lei 7/2011.

Tipificación da infracción: artigos 109.2.a) e 109.2.b) da Lei 7/2011.

Cualificación: leve.

Sanción: 600,00 €.

Lugo, 11 de xullo de 2013

Paloma Vázquez Fernández
Xefa da Área Provincial de Lugo