Por Resolución do 29 de abril de 2013 regúlase a selección das entidades colaboradoras na xestión das subvencións para garantir o acceso á internet de banda larga vía satélite, cofinanciadas co Feader, en réxime de concorrencia non competitiva, apróbanse as bases reguladoras das ditas subvencións e convócanse para o ano 2013 (DOG nº 90, do 10 de maio).
Con data do 8 de xullo de 2013 resolveuse estimar catro solicitudes de obtención da condición de entidade colaboradora e o 16 de xullo asináronse os convenios de colaboración entre Agader e as entidades colaboradoras, de acordo co previsto no artigo 12 das bases reguladoras.
Segundo dispón o ordinal terceiro da Resolución do 29 de abril pola que se convocan as subvencións para o ano 2013, o prazo para presentar solicitudes de axuda comezará o día seguinte ao da publicación no DOG da relación de entidades colaboradoras seleccionadas. A presentación de solicitudes realizarase necesariamente a través de calquera das entidades colaboradoras seleccionadas.
De acordo co anterior,
RESOLVO:
Facer público, no Diario Oficial de Galicia e na páxina web de Agader http://agader.xunta.es, o resultado do proceso de selección das entidades colaboradoras na xestión das subvencións para garantir o acceso á internet de banda larga vía satélite.
A relación de entidades colaboradoras seleccionadas xúntase a esta resolución como anexo I.
Santiago de Compostela, 16 de xullo de 2013
Antonio Crespo Iglesias
Director xeral da Axencia Galega de Desenvolvemento Rural
ANEXO I
Entidade colaboradora |
Enderezo |
Correo electrónico |
Teléfono gratuíto |
web |
Duo Telecomunicaciones, S.L. |
R/ Luis Otero, 2, baixo, dta., 36005 Pontevedra |
duo@duoteleco.es |
900373514 |
www.duoteleco.es |
Eurona Wireless Telecom, S.A. |
Estrada de L´Hopitalet 11, Nau 4, 08940 Cornellá de Llobregat, Barcelona |
atencionalcliente@eurona.net |
900848404 |
www.eurona.net |
Quantis Global, S.L. |
R/ Marie Curie, 5-7, Edif. Alfa, 3º, 7, Rivas Vaciamadrid 28521 Madrid |
bandalarga@quantis.es |
900102504 |
www.quantis.es |
Juan Manuel García Díez |
Avda. A Terra Chá, 28-30, 4ª C, 27800 Vilalba, Lugo |
garciaboado@galicia.com |
Pendente de activar |
www.terrachatechnology.es |