1. O Pleno do Concello da Laracha, en sesión ordinaria do día 30 de marzo de 2011, adoptou o seguinte acordo:
Primeiro. Aprobar definitivamente a reforma do Plan parcial modificado do sector do solo apto para urbanizar (SAU Z-12)-Lendo, tramitado por instancia de Celsa Atlantic, S.L., redactado por Grupo Taller de Arquitectos y Urbanistas La Coruña, S.L., visado con data do 17 de abril de 2008, e plano O.2’ visado o día 5 de febreiro de 2009 e planos O.4a’ e O.4b’ visados o día 17 de febreiro de 2009.
Segundo. Publicar o acordo no Diario Oficial de Galicia e o articulado das normas do plan parcial, así como o acordo correspondente, no Boletín Oficial da provincia, que non entrará en vigor ata que se publique completamente o seu texto e transcorrese o prazo previsto no artigo 65.2 da Lei 7/1985, do 2 de abril, reguladora das bases do réxime Local.
Terceiro. Os planos e documentos aprobados definitivamente serán dilixenciados polo secretario da Corporación.
Cuarto. Comunicar a aprobación definitiva á Consellería de Medio Ambiente, Territorio e Infraestruturas, dando traslado de copia autenticada de dous exemplares do instrumento aprobado definitivamente con todos os planos e documentos que integran o plan.
Recursos. Este acordo será recorrible mediante:
Recurso potestativo de reposición, ante o mesmo órgano que o ditou, no prazo dun mes a partir do día seguinte ao desta publicación, ou directamente ante a orde xurisdicional contencioso-administrativa, no prazo de dous meses.
Pódese exercer, de ser o caso, calquera outro que se considere procedente.
2. De acordo co sinalado no artigo 92.2 da Lei 9/2002, do 30 de decembro, de ordenación urbanística e protección do medio rural de Galicia, publicouse no BOP número 70, do día 12 de abril de 2011, o texto dos documentos que o integran.
3. En cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, o acto de aprobación definitiva do citado plan parcial foi comunicado á Consellería de Medio Ambiente, Territorio e Infraestruturas o día 28 de xuño de 2013.
A Laracha, 28 de xuño de 2013
José Manuel López Varela
Alcalde