Por Decreto da Alcaldía, do 10 de xuño de 2013, aprobáronse os pregos que rexen a licitación seguinte:

1. Entidade adxudicadora: Concello do Porriño.

2. Obxecto do contrato: venda dunha parcela de titularidade municipal, de 204,03 m2, sita na Cruz (San Salvador de Budiño), no concello do Porriño.

3. Tramitación e procedemento de adxudicación: ordinaria, aberto, cun único criterio de adxudicación.

4. Orzamento base de licitación: 16.750 € (IVE non incluído), mellorable á alza.

5. Garantías: 5 % do importe de adxudicación.

6. Prazo de presentación das proposicións: quince (15) días naturais desde o día seguinte ao da última publicación deste anuncio no DOG, no BOP e no perfil do contratante do Concello do Porriño (www.contratosdegalicia.es).

7. Apertura das ofertas: segundo o establecido nos pregos que rexen a licitación.

8. Gastos de anuncios: serán por conta do licitador que resulte adxudicatario.

9. Páxina onde figuran os datos da convocatoria: www.contratosdegalicia.es

O Porriño, 17 de xuño de 2013

José Nelsón Santos Argibay
Alcalde