Marta Yanguas del Valle, secretaria xudicial do Xulgado do Social número 5 de Reforzo da Coruña, fago saber:

Que no procedemento de despedimento/cesamentos en xeral 294/2013 deste xulgado do social, seguido por instancia de Alfonso Pardiñas Antelo contra a empresa Movimiento Canalizaciones y Obras, S.L./Excavaciones y Transportes Mariño, S.L. UTE, Fogasa, sobre despedimento, foi ditada a resolución cuxo encabezamento e parte dispositiva son do teor literal seguinte:

«Sentenza: 367/2013.

Xuíz: Javier López Cotelo.

Procedemento: despedimento 294/2013.

Demandante: Alfonso Pardiñas Antelo.

Letrado: Sr. Méndez Sanjurjo.

Demandado: Movimiento Canalizaciones y Obras, S.L./Excavaciones y Transportes Mariño, S.L. UTE.

Letrado:

Fogasa.

Sentenza 367/2013.

A Coruña, 25 de xuño de 2013.

Resolvo:

1º. Estimar a demanda sobre despedimento formulada por Alfonso Pardiñas Antelo contra a empresa Movimiento Canalizaciones y Obras, S.L./Excavaciones y Transportes Mariño, S.L. UTE e, en consecuencia, declaro a improcedencia do despedimento e condeno a demandada a que readmita inmediatamente o traballador nas mesmas condicións que rexían antes de se producir o despedimento, ou ben, á escolla da empresa, á extinción da relación laboral con aboamento da indemnización detallada no número segundo desta resolución. Todo isto con aboamento, no caso de optar pola readmisión, dos salarios de tramitación que non percibise ata a notificación da presente sentenza.

A devandita opción deberá exercerse en 5 días a partir da notificación desta sentenza, mediante escrito ou comparecencia ante este xulgado. Transcorrido o devandito termo sen que se tivese optado, entenderase que procede a readmisión.

2º. A indemnización e os salarios de tramitación que aboará a empresa demandada, segundo o disposto no número anterior, son os seguintes:

– En concepto de indemnización, e de optar a empresa por ela, a cantidade de 1.324,13 euros (mil trescentos vinte e catro euros con trece céntimos de euro).

– En concepto de salarios de trámite, para o caso de opción pola readmisión, os deixados de percibir desde a data do despedimento ata a notificación da presente sentenza, calculados a razón de 53,50 euros/día.

3º. Desestimar a demanda formulada pola demandante contra o Fogasa absolvéndoo de todos os pedimentos formulados contra el.

Inscríbase a presente resolución no libro de sentenzas e déixese testemuño dela no presente procedemento.

Notifíquese esta sentenza ás partes e advírtaselles que contra ela se poderá interpor recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes ao da notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.

Advírtase igualmente ao recorrente que non sexa traballador ou beneficiario do réxime público da Seguridade Social, ou habente-causa dun deles, ou que non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.

Así o pronuncio, mando e asino, Javier López Cotelo, xuíz de reforzo de Xulgado Social da Coruña.

Publicación. A anterior sentenza foi lida e publicada polo xuíz que a subscribe no día da súa data, do que eu, a secretaria xudicial, dou fe.»

E para que conste e sirva de notificación a Movimiento Canalizaciones y Obras, S.L./Excavaciones y Transportes Mariño, S.L. UTE, en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.

Coruña, 25 de xuño de 2013

A secretaria xudicial