Por instancia da entidade Hidramaq Deza, S.L., representada por Marcos Rielo Crespo, estase a tramitar no Concello de Lalín o expediente para a obtención da licenza para a instalación de cabina de pintura en taller de maquinaria agrícola, guindastres e elementos hidráulicos para a automoción, sito na nave número 11, Ciudad del Transporte, Parque Empresarial Lalín 2000, Lalín (Pontevedra) (expediente núm. 7048/13).

En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública o expediente mediante anuncios no Diario Oficial de Galicia e no Boletín Oficial da provincia de Pontevedra e exposición no taboleiro de anuncios do concello, para que poida ser examinado no Departamento de Urbanismo-Licenzas e se formulen, de ser o caso, alegacións ou reclamacións a este durante o prazo de vinte días, contados desde o seguinte ao da publicación deste anuncio no Diario Oficial de Galicia.

Lalín, 12 de xullo de 2013

Román Rodríguez González
Concelleiro delegado de Urbanismo