O tenente de alcalde responsable da Área de Medio, Ambiente, Infraestruturas e Territorio, con data do 5 de xuño de 2013, por delegación do alcalde a través de decreto do 13 de xuño de 2011, emite decreto no que se aproban os seguintes puntos:
«Decreto:
1. Aprobar inicialmente a expropiación parcial do local comercial situado na rúa Europa, 12, cuxa relación de bens e dereitos afectados é:
Titulares: Enrique Bellagona Cedeira e Mª Josefa Vega Fernández.
Ben: local comercial planta baixa.
Terreo rexistral: 23.156 do Rexistro da Propiedade nº 2 da Coruña.
Tipo de afección: parcial.
Superficie afectada: 2,57 m2.
2. En virtude do establecido no artigo 118.2 da Ordenanza de conservación e rehabilitación de inmobles do Concello da Coruña, o expediente tramitarase polo procedemento de taxación conxunta.
3. O expediente someterase a información pública polo prazo dun mes mediante inserción de anuncio no Diario Oficial de Galicia e nun xornal dos de maior circulación da provincia, e estará exposto na Oficina Municipal de Rehabilitación deste concello. Así mesmo, a taxación notificarase individualmente aos que aparezan como titulares de bens ou dereitos.
4. Requirirlle á comunidade de propietarios do edificio situado na rúa Europa, 12, en calidade de beneficiario do expediente expropiatorio, que con anterioridade á aprobación definitiva do expediente deposite o importe ou aval bancario do 20 % da valoración que se aproba neste expediente, que ascende a seiscentos noventa euros con oitenta e dous céntimos (690,82 €)».
O que se publica para os efectos de inicio do trámite de información pública, de conformidade co artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:
«2. O proxecto de expropiación cos documentos sinalados será exposto ao público polo prazo dun mes, para que aqueles que poidan resultar interesados formulen as observacións e reclamacións que consideren convenientes, en particular no que concirne á titularidade ou valoración dos seus respectivos dereitos».
A Coruña, 5 de xuño de 2013
P.D.
Martín Fernández Prado
Tenente de alcalde responsable da Área de Medio Ambiente,
Infraestruturas e Territorio