Mediante Resolución desta Alcaldía nº 2927, do 8 de xullo de 2013, acordouse aprobar inicialmente o estudo de detalle do polígono 17, A Ponte Pasaxe, en Perillo.

De conformidade co artigo 86.2 da Lei 2/2010, do 25 de marzo, de medidas urxentes de modificación da Lei 9/2002, de ordenación urbanística e protección do medio rural de Galicia, o expediente estará exposto ao público na Área de Urbanismo do Concello de Oleiros, das 8.30 ás 13.00 horas, polo prazo de vinte días, para os efectos de presentación das alegacións que se consideren oportunas.

Oleiros, 10 de xullo de 2013

Ángel García Seoane
Alcalde presidente