Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 427/2011, por instancia de Georgina Acuña Onnainty contra a empresa Paños Intersport, S.L., o grupo Paños Intersport, S.L. e o Fondo de Garantía Salarial, sobre cantidade, nos cales se ditou sentenza con data do 10.6.2013 que copiada nos particulares necesarios di así:
«Resolvo:
Acéptase parcialmente a demanda formulada por Georgina Acuña Onnainty fronte a Paños Intersport, S.L. e o grupo Paños Intersport, S.L. e, en consecuencia:
– Absólvese o grupo Paños Intersport, S.L. das pretensións fronte a el dirixidas.
– Condénase a empresa Paños Intersport, S.L. a lle aboar á demandante a cantidade de dous mil trinta e seis euros con trinta céntimos de euro (2.036,30 euros).
Notifíqueselles a resolución ás partes, facéndolles saber que contra ela non cabe recurso ningún.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que lles sirva de notificación en forma á empresa Paños Intersport, S.L. e ao grupo Paños Intersport, S.L., expido e asino este edicto.
A Coruña, 26 de xuño de 2013
O secretario xudicial