María Socorro Bazarra Varela, secretaria xudicial da Sala do Social do Tribunal Superior de Xustiza de Galicia, fai saber que no procedemento de recurso de suplicación número 49/2011, seguido por instancia de Carlos Alberto Chambilla contra a empresa Rehabilitaciones Compostela, S.L., se ditou a seguinte resolución:
«Que, desestimando o recurso de suplicación interposto por Carlos Alberto Chambilla contra a sentenza ditada polo Xulgado do Social número 1 de Santiago de Compostela, con data do 16 de xuño de 2010, debemos confirmar integramente a resolución contra a cal se recorreu.
Notifíquese esta resolución ás partes e á Fiscalía do Tribunal Superior de Xustiza e fágaselles saber que contra ela só cabe recurso de casación para a unificación de doutrina, que se preparará por escrito ante esta Sala do Social dentro dos dez días seguintes ao da notificación desta sentenza e de acordo co disposto na Lei de xuridición social.
Se a recorrente non está exenta de depósito e consignación para recorrer, deberá ingresar:
– A cantidade obxecto de condena na conta corrente desta sala no banco Banesto, número 1552 0000 80 (número recurso) (dúas últimas cifras do ano).
– O depósito de 600 euros na conta desta sala número 1552 0000 37 (número recurso) (dúas últimas cifras do ano).
Unha vez firme, expídase certificación para constancia na peza que se arquivará neste tribunal, e lévese o orixinal ao correspondente libro de sentenzas, logo de devolución dos autos ao xulgado do Social de procedencia.
Así, por esta nosa sentenza, pronunciámolo, mandámolo e asinámolo».
E para que así conste, para os efectos da súa publicación no Diario Oficial de Galicia, co fin de que sirva de notificación en forma á empresa Rehabilitaciones Compostela, S.L., con último domicilio coñecido en Framán, s/n, Bugallido (Ames), coa advertencia de que as seguintes comunicacións se farán en estrados, agás as que sexan autos ou sentenzas, ou cando se trate de emprazamento, expido e asino este edicto.
A Coruña, 28 de maio de 2013
A secretaria xudicial
