Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 481/2011, por instancia de Manuel Ángel Taibo Garrido contra Instituto Nacional da Seguridade Social, Servizo Galego de Saúde, a Asociación impulsora do pacto territorial de emprego da Costa da Morte, sobre seguridade social, en que recaeu sentenza con data do 9 de maio de 2013 que, copiada nos particulares necesarios, di así:
Desestímase a demanda forumlada por Manuel Ángel Taibo Garrido contra o Servizo Galego de Saúde, o Instituto Nacional da Seguridade Social e a Asociación impulsora do pacto territorial de emprego da Costa da Morte, absolvendo as ditas entidades das pretensións de condena dirixidas contra elas.
Notifíqueselles esta resolución ás partes, e fágaselles saber que contra ela non cabe ningún recurso.
Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.
E para que conste, para efectos da súa publicación no Diario Oficial de Galicia, co fin de que lle sirva de notificación en forma á Asociación impulsora do pacto territorial de emprego da Costa da Morte, expido e asino este edicto.
A Coruña, 10 de xuño de 2013
A secretaria xudicial