O artigo 11.1 da Lei 4/2006, do 30 de xuño, de transparencia e de boas prácticas na Administración pública galega (DOG número 136, do 14 de xullo), imponlle a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para lle dar cumprimento a esa obriga,
DISPOÑO:
Artigo único
Darlle publicidade á relación de convenios de colaboración subscritos pola Consellería de Traballo e Benestar durante o primeiro cuadrimestre do ano 2013 que se incorpora como anexo a esta resolución.
Santiago de Compostela, 20 de xuño de 2013
Mª Jesús Lorenzana Somoza
Secretaria xeral técnica da Consellería de Traballo e Benestar
ANEXO
Convenios asinados no primeiro cuadrimestre de 2013
Título |
Obxecto |
Data de sinatura |
Importe (€) |
Convenio de colaboración entre a Xunta de Galicia, a Consellería de Traballo e Benestar e a Deputación Provincial da Coruña para a atención de menores no Centro Residencial Emilio Romay na Coruña |
O obxecto deste convenio é a atención de menores, tutelados por esta Administración ou en situación de garda, no Fogar infantil Emilio Romay, establecemento do que é titular a Deputación Provincial da Coruña. Conta con 25 prazas distribuídas en tres módulos ou unidades de convivencia, da forma seguinte: – Un fogar de acollemento residencial para nenos/as de 0-15 meses. – Dous fogares de acollemento residencial para nenos/as de 15 meses a 6 anos. Aténdense indistintamente menores en réxime residencial ou en réxime de atención de día, considerándose inicialmente a necesidade dun 75 % (18 prazas) de internado e dun 25 % (7 prazas) de atención de día. |
1.3.2013 |
149.650 |
Convenio de colaboración entre a Consellería de Traballo e Benestar e a Asociación Aloumiño para desenvolver un programa de orientación e mediación familiar nas cidades de Pontevedra e Vigo. |
É obxecto deste convenio establecer as condicións polas que se rexerá a colaboración entre a Consellería de Traballo e Benestar e a Asociación Aloumiño para desenvolver un programa de orientación e mediación familiar a través dun servizo de punto de encontro nas cidades de Pontevedra e Vigo. |
1.3.2013 |
55.230 |
Convenio de colaboración entre a Vicepresidencia e Consellería de Presidencia, Administracións Públicas e Xustiza, a Consellería de Traballo e Benestar, o Ministerio Fiscal, o Colexio Oficial de Psicoloxía de Galicia e o Colexio Oficial de Avogados de Santiago de Compostela para o desenvolvemento dun programa de mediación intraxudicial durante o ano 2013. |
O obxecto deste convenio é establecer as condicións polas que se rexerá a colaboración entre a Consellería de Traballo e Benestar, a Consellería de Presidencia, Administracións Públicas e Xustiza, o Ministerio Fiscal, o Colexio Oficial de Psicoloxía de Galicia e o Colexio de Avogados de Santiago de Compostela, para o desenvolvemento dun programa de mediación intraxudicial gratuíta en Santiago de Compostela, mediante a constitución dun equipo permanente de mediación composto por un/unha psicólogo/a e un/unha avogado/a. |
29.3.2013 |
40.000 |
Convenio de colaboración entre a Vicepresidencia e Consellería de Presidencia, Administracións Públicas e Xustiza, a Consellería de Traballo e Benestar, o Ministerio Fiscal, o Colexio Oficial de Psicoloxía de Galicia e o Colexio Oficial de Avogados de Ourense para o desenvolvemento dun programa de mediación intraxudicial durante o ano 2013. |
O obxecto deste convenio é establecer as condicións polas que se rexerá a colaboración entre a Consellería de Traballo e Benestar, a Consellería de Presidencia, Administracións Públicas e Xustiza, o Ministerio Fiscal, o Colexio Oficial de Psicoloxía de Galicia e o Colexio de Avogados de Ourense, para o desenvolvemento dun programa de mediación intraxudicial gratuíta en Ourense, mediante a constitución dun equipo permanente de mediación composto por un/unha psicólogo/a e un/unha avogado/a. |
29.3.2013 |
40.000 |
Convenio de colaboración entre a Consellería de Traballo e Benestar e a Asociación Galega de Familias Numerosas para o financiamento do sostemento do programa do Carné familiar galego. |
O obxecto deste convenio é a colaboración entre as partes asinantes no sostemento do programa do Carné familiar como recurso que beneficia as familias numerosas. |
30.4.2013 |
12.000 |
Convenio de colaboración entre o Ministerio de Sanidade, Servizos Sociais e Igualdade e a Comunidade Autónoma de Galicia, a través da Consellería de Traballo e Benestar, para a difusión e implantación do SIUSS e a súa aplicación informática. |
Colaboración entre o Ministerio de Sanidade, Servizos Sociais e Igualdade e a Comunidade Autónoma de Galicia, a través da Consellería de Traballo e Benestar, para a difusión e implantación do SIUSS e a súa aplicación informática. |
8.4.2013 |
0 |
Convenio de colaboración entre a Consellería de Traballo e Benestar e a Asociación de Industriales Metalúrgicos de Galicia-Asime, as organizacións sindicais Federación de Industria-CC.OO. e Federación de Industria, Metal, Construcción e Afíns de UGT, MCA-UGT e a Fundación Galega do Metal-Formega no marco do proxecto FEAG-EmpregaNav. |
O obxecto do convenio é establecer as condicións polas que se rexerá a colaboración entre a Consellería de Traballo e Benestar e as organizacións asinantes respecto das actuacións do proxecto EmpregaNav para as anualidades 2013 e 2014, para a procura da inserción laboral das persoas desempregadas provenientes de empresas de Galicia do CNAE 25, de fabricación de produtos metálicos, excepto maquinaria e equipo, cuxo despedimento fora motivado por causas obxectivas entre o 23 de marzo e o 23 de decembro de 2011. |
30.4.2013 |
2.318.824 (2.125.014 da anualidade 2013 e 193.810 da anualidade 2014) |
Anexo ao convenio de colaboración entre o Inxuve do Ministerio de Sanidade, Servizos Sociais e Igualdade e Microbank. |
Realización de actuacións de promoción e apoio á xuventude emprendedora e empresaria enmarcadas no programa de microcréditos Inxuve durante o ano 2013. |
2.4.2013 |
0 |
Convenio de colaboración entre a Consellería de Traballo e Benestar e a EGAP para o desenvolvemento de actividades de formación, divulgación e investigación da DXXV. |
Participación nas actividades da EGAP do persoal dependente da Dirección Xeral de Xuventude e Voluntariado da Consellería de Traballo e Benestar e do persoal da Rede Galega de Información e Documentación Xuvenil, así como a colaboración e o desenvolvemento conxunto de actividades de carácter formativo, divulgador e investigador en materias da competencia das institucións asinantes del. |
15.1.2013 |
0 |
Convenio de cooperación entre a Consellería de Traballo e Benestar e a Universidade de Santiago de Compostela para o financiamento do IV ciclo universitario. |
Facilitar a consolidación dos estudos de IV ciclo. |
17.4.2013 |
25.000 |
Convenio de colaboración para a realización de prácticas no Máster de dependencia e xestión de servizos sociais. |
Acordo de prórroga. |
12.4.2013 |
0 |
Convenio de colaboración coa Universidade de Santiago de Compostela para a realización dun estudo de desmantelamento controlado aleatorizado dunha breve intervención psicolóxica telefónica, aplicada a coidadores informais con síntomas depresivos. |
Estudo de desmantelamento controlado aleatorizado dunha breve intervención psicolóxica telefónica, aplicada a coidadores informais con síntomas depresivos. |
28.1.2013 |
0 |