A instancia de Crespo SAT nº 1322 XUGA, representada por Iván Fernández Castro, o Concello de Lalín está tramitando o expediente para a obtención da licenza de obra e provisional de actividade para construción de sala de muxidura e corte para a ampliación de explotación de vacún leiteiro no lugar de Parada, parroquia de Parada, Lalín (Pontevedra) (expediente 7147/13).

En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública o expediente mediante anuncios no Diario Oficial de Galicia e no Boletín Oficial de Pontevedra e exposición no taboleiro de anuncios do Concello, para que poida ser examinado no Departamento de Urbanismo-Licenzas e se formulen, de ser o caso, alegacións ou reclamacións, durante o prazo de vinte días contado desde o seguinte ao da publicación deste anuncio no DOG.

Lalín, 19 de xuño de 2013

Román Rodríguez González
Concelleiro delegado de Urbanismo